4 na miyembro ng BIFF patay nang tangkaing salakayin ang kampo ng militar sa Maguindanao

Patay ang apat na miyembro ng Bangsamoro Islamic Freedom Fighters (BIFF) sa pagsalakay sa kampo ng militar sa Maguindanao.

Ayon kay 6th Infantry Division spokesman Captain Arvin Encinas, tinatayang 50 miyembro ng BIFF ang umatake sa detachment ng 57th Infantry Battalion sa Datu Unsay, Maguindanao.

Dito na sumiklab ang engkwentro sa mga sundalo at rebelde na tumagal nang isang oras.

Pinasabugan ng militar ng 81mm mortar ang BIFF dahilan para umatras ang mga ito.

Marami rin ang nasugatan sa panig ng mga rebelde.