2 lalaki pinagbabaril sa Albay

Dead on the spot ang dalawang lalaki matapos silang pagbabarilin sa Barangay Peñafrancia, Daraga, Albay.

Kinilala ang mga nasawing biktima na sina Edgardo Magdaraong at isang nakilala lamang sa alyas na ‘Rolly.’

Batay sa imbestigasyon ng mga otoridad, sinasabing parehong magnanakaw ang dalawang nasawing biktima.

Bagaman patuloy pa ang imbestigasyon ng mga pulis tungkol sa pamamaslang, hinala ng mga ito na riding-in-tandem ang nasa likod ng krimen.

Patuloy pang inaalam ng mga otoridad kung sino ang mga salarin sa pamamaril.