Sen. Trillanes hinamon si Pang. Duterte na ipabaril siya

Go ahead.

Ito ang naging matapang na tugon ni Senador Antonio Trillanes IV sa pahayag ni Pangulong Rodrigo Duterte na may babaril sa kanya sa mga susunod na araw.

Ayon kay Trillanes, noon pa man, hindi siya patitinag sa mga banta ng mga tiwaling opisyal at iba pang indibidwal na mapang-abuso sa kapangyarihan.

Iginiit pa ni Trillanes na kailanman ay hindi siya nang-bully sa mga mahihirap at walang kalabang-laban tao.

Sinabi pa ni Trillanes na dahil sa pahayag ng pangulo na may babaril sa kanya balang araw, malinaw lamang na nais ng pangulo na mapatay siya.

Maaari aniyang naiirita ang pangulo sa kanya dahil sa patuloy na pagpuna sa kanyang mga maling polisiya.