Duterte isusulong ang pag-aarmas ng mga barangay chairman

Gusto ni Pangulong Rodrigo Duterte na armasan ang mga Barangay Chairman para higit na maging matagumpay ang kampanya ng pamahalaan kontra kriminalidad.

Katwiran ng pangulo, ang mga punong barangay ang siyang first line of defense sa mga komunidad.

Kailangan rin umano ang tulong ng mga barangay officials na mas pinag-igting na kampanya ng pamahalaan laban sa iligal na droga.

Pero tiniyak ng pangulo na dadaan sa mabusising back ground check ang mga opisyal na barangay lalo’t naniniwala siyang marami sa mga ito ang sangkot din sa pagpapakalat ng droga sa kani-kanilang mga nasasakupan.

Nauna nang binatikos ng ilang grupo ang balak ng pangulo na pag-aarmas sa mga opisyal ng barangay.