Marixi Prieto nagretiro na bilang chairman of the board ng Inquirer
Nagretiro na si Marixi Prieto bilang Chair of the Board of Directors ng Philippine Daily Inquirer Inc.
Inaunsyo ni Prieto ang pagreretiro sa taunang stockholders meeting ng kumpanya.
Ayon kay Prieto sa edad na 78, panahon na para ilipat niya ang pamamahala sa kumpanya.
Nais umano niyang magkaroon na ng mas mahabang oras sa pamilya lalo na sa knaiyang mga apo at pagtuunan din ng pansin ang iba pang adbokasiya, charity organizations at foundations.
Sa ilalim ng pamamahala ni Prieto, mula sa print organization ay lumago ang Inquirer bilang multimedia entity.
“I unassumingly joined the Inquirer in the late 80s and it never crossed my mind that would be No. 1 and diversify into different media platforms,” ani Prieto.
Maliban sa Philippine Daily Inquirer, lumawak ang kumpanya sa iba’t ibang platforms gaya ng Inquirer.net, Cebu Daily News, Bandera, Inquirer Libre, Megamobile, Radyo Inquirer, Hinge Inquirer Publications, Print Town, DAG Express Courier at Inqurier Academy.
Mananatili namang presidente at CEO ng kumpanya si Ma. Alexandra Prieto-Romualdez.
Habang nahalal naman si Raul Palabrica bilang bagong chirman ng kumpanya.
Si Palabrica na isang abogado at nagtapos sa University of the Philippines ay leal counsel ng Inquirer.
Naging commissioner din siya ng Securities and Exchange Commission mula 2005 hanggang 2012.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.