Arestado ang dalawang drug suspects sa ikinasang buy-bust operation sa Marikina City.
Isinagawa ng Marikina Police ang operasyon sa pamumuno ni Sr. Supt. Roger Quesada sa Singkamas Street, Barangay Tumana na nagresulta sa pagkakadakip ng mga suspek na sina Rinaldo De Ocampo, 62 anyos at Jestoni Soliven, 30 anyos.
Isang pulis ang nagpanggap na bibili ng ilegal na droga sa mga suspek at nang magpositibo ang transaksyon ay doon na dinakip ang mga ito.
Nakuha mula sa dalawa ang anim na sachet ng hihinalang shabu at P500 na marked money.
Dinala na sa Crime Laboratory ng Eastern Police District ang dalawa para isailalim sa drug test.
Sasampahan sila ng kasong paglabag sa section 11 at 5 ng R.A 9165 o Dangerous Drugs Act of 2002.