Magkapatid patay, 5 arestado sa buy-bust operation na nauwi sa engkwentro sa Lucena
Patay ang dalawang katao habang arestado ang limang iba pa nang mauwi sa engkwentro ang buy-bust operation ng mga otoridad sa Lucena City sa Quezon.
Isinagawa ang operasyon alas 4:30 ng umaga ng Miyerkules (June 6) sa Barangay 10 sa nasabing lungsod.
Ayon sa Lucena City police, nagkasa sila ng buy-bust operation laban sa mga suspek pero nauwi ito sa engkwentro matapos manlaban ang mga target.
Nagresulta ito sa pagkasawi ng magkapatid na sina Jerome Masalunga alyas Eloy at Jeffrey Masalunga alyas Rey.
Arestado naman ang limang suspects na sina Michelle Pinon alyas Mich, Renato Abcede Jr. alyas R-Jay, Ansbert Ilao alyas Ding, Joel Valdez at Tamaine Glorioso. Habang pinaghahanap pa ang isa pang suspek na si Mery Gay Pagote alyas Jingjing.
Nakuha mula sa mga suspek ang isang sachet ng shabu, P500 bill na ginamit bilang marked money, caliber 22 at caliber 38 na baril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.