Live in partner ni Ardot Parojinog, naaresto sa Parañaque
Iprinesenta sa Camp Crame ang naarestong live in partner ni Ozamiz Councilor Ricardo ‘Ardot’ Parojinog.
Mismong si Philippine National Police chief Oscar Albayalde ang nagprisenta kay Mina Luansing na naareto sa Paranaque noong Linggo.
Naaresto si Luansing sa bisa ng warrant of arrest sa paglabag sa RA 10591 Comprehensive Firearms and Ammunition Regulation Act na siya ring kinakaharap na kaso ni Ardot.
Inaasahang ibabalik ng PNP ang mandamyento de aresto sa issuing court sa Ozamiz kasama si Luansing.
Si Luansing ay kasalukuyang board member ng sangguniang panlalawigan ng misamis occidental.
Samantala, nananatili pa rin si Ardot sa Taiwan dahil sa kinakaharap nitong kaso doon na pamemeke ng dokumento at iligal na pagpasok sa naturang bansa.
Minamadali naman na ng PNP ang deportation process kay Ardot.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.