Sa isang Facebook post, sinabi ng Pinay na walang malisya ang naging paghalik ng pangulo sa kaniyang labi.
Sinabi din nitong siya ay may-asawa at kasal siya sa isang Korean national at mayroon silang anak.
Binanggit umano niya ito sa pangulo nang siya ay tanungin kung siya ay mag-asawa.
Ayon sa nasabing Pinay worker, walang ibig sabihin ang halik at ginawa lang ito bilang twist at para pakiligin ang audience.
Magkakaiba naman ang komento ng netizens sa nasabing isyu.
May mga nagsabi na pawang mga ‘dilawan’ lang ang nagbibigay malisya sa nangyari.
Meron din namang nagsabi na sana ay nirespeto ng pangulo at ng babaeng OFW ang kaniyang mister na tiyak nasaktan nang nakitang hinalikan siya ng pangulo sa labi.