Matapos ang insidente ng pananaksak sa grupo ni Jeron Teng, Taguig Police aatasang magdagdag ng tauhan sa BGC
Magdaragdag ng pulis sa Bonifacio Global City (BGC) matapos ang insidente ng pananaksak sa tatlong basketbolista.
Ayon kay Philippine National Police (PNP) chief Director General Oscar Albayalde, matapos ang insidente, malinaw na kailangan ng dadgag na police visibility sa lugar.
Ani Albayalde, aatasan niya ang hepe ng pulis sa Taguig na magtalaga ng dagdag na tauhan sa BGC lalo na oras na marami ang gumigimik o nagtutungo sa mga gimikan sa BGC.
Magugunitang noong Linggo ng umaga nabiktima ng pananaksak sina Teng at kasama niyang si Norbert Torres at Thomas Torres.
Ani Albayalde nakainom ang mga suspek sa pananaksak na humiling umano na makapagpa-picture sa grupo ni Teng.
Nainis umano ang mga suspek nang tila tinanggihan sila ng grupo ni Teng na noon ay pawang nakainom din.
Nadakip na ng mga otoridad ang dalawang suspek sa pananaksak na sina Edmar Manalo at Willard Basili na sasampahan ng mga kasong Frustrated Homicide at Less Serious Physical Injuries.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.