Bagong labor inspectors inutusang habulin ang mga kumpanyang lumabag sa labor standards

Binigyan na ng go signal ni Department of Labor and Employment (DOLE) Secretary Silvestre Bello III ang 200 bagong labor inspectors na habulin ang mga may-ari ng mga establisyemento na hindi nagreregular ng kanilang mga trabahador o ang mga nagpapatupad lamang ng labor only contracting.

Ayon kay Bello, bubusisiin din ng mga labor inspectors ang mga may-ari ng kumpanya na lumalabag sa labor standards.

Dagdag ni Bello, ang 200 bagong labor inspectors ay dagdag sa 500 inspectors na naka-deploy na sa iba’t ibang bahagi ng bansa.

Ayon kay Bello, target ng DOLE na magkaroon ng 2,000 bagong labor inspectors para habulin ang 900,000 establisyemento sa buong bansa.