LRT-1 full operational na ulit matapos magka-aberya

By Justinne Punsalang, Rohanisa Abbas June 03, 2018 - 03:53 PM

LRT-1 Photo

Balik-serbisyo na ang Light Rail Transit line 1 (LRT-1) matapos makaranas ng aberya ngayong araw.

Sa abiso ng pamunuan ng LRT-1, isinagawa ang “technical repairs” sa Central Station sa Quiapo, Maynila.

Dahil dito ay mula Blumentritt Station hanggang Rossevelt lamang ang operasyon ng tren.

Ayon kay Rochelle Gamboa, pinuno ng LRT-1 Corporate Communications, hindi malaking problema ito. Aniya, maihahalintulad lamang ito sa maintenance.

Sinabi ni Gamboa na naganap ito dakong alas-11:30 ng umaga kanina para ayusin ang problema sa linya ng kuryente.

Ayon sa opisyal, kinailangang putulin ang suplay ng kuryente para maisaayos ang apektadong linya.

Samantala, sa abiso ng pamunuan, alas-3:35 nang maibalik sa normal at full operation ng LRT-1 mula Baclaran hanggang Roosevelt, at pabalik.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.