Sa isang panayam, sinabi ng NCRPO Chief Supt. Guillermo Eleazar na mahigit 5,000 pulis ang ipakakalat para matiyak ang ligtas na pasukan ngayong taon.
Magiging katuwang din aniya ng pulisya ang aabot sa 4,000 barangay tanod at mga pribadong security guard.
Layon aniya ng pagpapatibay ng seguridad na iwasang mabiktima ng mga kriminal ang mga estudyante ngayong pasukan.
Pinaalalahanan din ni Eleazar ang mga estudyante na huwag magdala ng mga mamahaling gadgets sa paaralan na takaw-mata sa mga magnanakaw.
Dagdag pa ni Eleazar, nagsagawa na rin ng pagbisita sa mga barangay, pamamahagi ng flyers para bigyang-babala ang publiko laban sa krimen.