US President Trump, inanusyong tuloy na ang pulong kay NoKor leader Kim

Inanunsyo ni United States President Donald Trump na tuloy na ang nakatakda niyang pulong kay North Korean leader Kim Jong Un sa Singapore sa June 12.

Ito ay matapos ang kanselasyon ni Trump sa nasabing summit isang linggo na ang nakalilipas.

Ang anunsyong tuloy na muli ang pulong ay ipinahayag ni Trump matapos makausap ang North Korean senior envoy na si Gen. Kim Yong-chol.

Nagkaroon ng pulong ang envoy at si Trump sa White House.

Ayon pa kay Trump, sinabi umano ng North Korea na gusto na nitong magsagawa ng denuclearization.

Gayunman, wala pang kumpirmasyon ang NoKor tungkol dito.