ES Medialdea itinalagang OIC sa pamahalaan sa loob ng 3-araw na official visit ni Pangulong Duterte sa South Korea

Itinalaga ni Pangulong Rodrigo Duterte si Executive Sec. Salvador Medialdea bilang officer-in-charge sa pamahalan sa panahon ng official visit ni Pangulong Rodrigo Duterte sa South Korea.

Sa nilagdaang special order ng pangulo, si Medialdea muna ang mangangasiwa sa gobyerno habang nasa South Korea si Duterte mula June 3 hanggang 5.

Partikular na pangangasiwaan ni Medialdea ang day-to-day operations ng Office of the President at pangangasiwaan din ang general administration ng Executive Department.

Ang pangulo ay dadalo sa summit kasama si South Korean President Moon Jae In.

Kasama din sa kaniyang schedule ang pakikipagpulong sa mga negosyante at sa Filipino community.

Ito ang unang pagkakataon na bibisita sa South Korea si Pangulong Duterte.