Nasa New York City ngayon ang delegasyon mula sa North Korea para sa ikalawang yugto ng pagpupulong sa nalalapit na summit sa pagitan nina President Donald Trump at leader Kim Jong Un.
Sa kaniyang post sa Twitter sinalubong ni US Secretary of State Mike Pompeo ang delegasyon sa pamumuno ni North Korean General Kim Yong Chol.
Nagsalu-salu din sa isang hapunan sa New York ang mga opisyal mula US at NoKor.
Una nang sinabi ni Trump na inaasahang bitbit ng delegasyon mula sa NoKor ang liham sa kaniya ni Kim.
Ani Trump, isinusulong ng magkabilang panig ang pagtutuloy ng summit sa June 12 sa Singapore.
MOST READ
LATEST STORIES