LPG price hike epektibo na ngayong araw

Epektibo na simula ngayong araw, June 1, ang dagdag sa presyo sa liquefied petroleum gas ng ilang kumpanya.

Sa abiso ng Petron tataas ang presyo ng kanilang LPG ng P3.40 kada kilo habang may P1.90 na dagdag-singil naman sa kada litro ng auto LPG.

Ang Solane naman ay may dagdag na P3.36 sa kada litro ng kanilang LPG.

Nagsimula na hating-gabi kanina ang dagdag ng Petron habang epektibo naman mamayang alas-6 ang sa Solane.