Hiniling ni Senator Risa Hontiveros sa mga government health officials na linawin ang isyu sa pagkakalipat ng P10.6 Billion Philhealth fund sa Department of Health.
Ito ay matapos mag-usbungan ang mga fake news aniya na nagsasangkot sa kanya sa kontrobersiya.
Giit ni Hontiveros hindi sa termino niya bilang director ng Philhealth nangyari ang sinasabing paglipat ng pondo.
Dagdag pa ng senadora na umaasa din siya sa joint congressional committee na pinamumunuan ni Sen. JV Ejercito na patunayan na peke ang mga balitang nag- uugnay sa kanya sa isyu.
Pinansin din ni Hontiveros na nagsimulang kumalat ang fake news nang hamunin niya si Pangulong Rodrigo Duterte na sibakin si Solicitor General Jose Calida dahil sa pagnenegosyo sa gobyerno.