Dating drug surrenderer, patay sa buy-bust operation sa Batangas

Patay ang isang hinihinalang tulak ng droga sa Mataas na Kahoy, Batangas kaninang umaga.

Kinilala ang suspek na si Gerween Abla na dati nang sumuko sa Oplan Tokhang pero bumalik sa iligal na gawain.

Ayon kay Chief Supt. Guillermo Eleazar, hepe ng Calabarzon police, isinagawa ng pulisya ang buy bust operation kaninang alas-6:30 ng umaga.

Gayunman, pinaputukan ni Abla ang mga pulis dahilan para gumanti sila ng putok.

Itinakbo pa sa ospital ang suspek pero hindi na ito umabot nang buhay.

Narekober kay Abla ang isang kalibre .45 na baril at dalawang sachet ng hinihinalang shabu.