Sinapit ni Ninoy hindi mauulit kay Sison ayon kay Duterte
Hindi lang pulis at sundalo ang nakahandang mag-bantay para sa proteksyon ni Communist Party of the Philippines founding chairman Jose Maria Sison kapag umuwi na sa bansa.
Sa talumpati ng pangulo sa change of command ng Presidential Security Group (PSG), inatasan nito presidential guards na bigyang seguridad si Sison.
Tiniyak din ng pangulo na walang mangayayari kay Sison na Aquino style o pagbaril sa likod.
Ang tinutukoy ng pangulo ay ang pag-uwi sa bansa ni dating Sen. Ninoy Aquino na binaril sa likod sa Tarmac noong August 21, 1983.
Ayon sa pangulo iniimbitahan niya si Sison na umuwi ng bansa para talakayin ang usaping pangkapayapaan.
Pero kapag wala aniyang nangyayari sa peace talk ay siya mismo ang maging escort ni Sison palabas ng bansa.
Si Sison ay ilang taon na ring namamalagi sa The Netherlands makaraan siyang humingi ng political asylum sa nasabing bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.