Sara Duterte maghahain ng COC sa pagka-Mayor sa Davao City
Nahihiwagaan pa rin ang mga supporters ni Davao City Mayor Rodrigo Duterte kung ito ba ay maghahain o hindi ng certificate of candiday sa pagka-pangulo.
Ito ay matapos na mag-post ng larawan ng kaniyang COC ang anak nito na si Sara Duterte kung saan nakasaad na tatakbo itong Mayor sa Davao City.
Si Sara mismo ang nag-post ng kaniyang COC sa kaniyang instagram account.
Nilagyan pa ni Sara ng caption ang larawan na sinabi nitong hinihintay niya ang desisyon ng kaniyang ama.
Nagbanta din si Sara sa mga pinoy na kung hindi iluluklok na presidente ang ama niya ay malalagot sa kaniya ang sambayanan.
“Digong, gahulat ko sa imuha (Digong, naghihintay ako sa iyo). To all my fellow Filipinos, you will make him President, otherwise lagot kayong lahat sa akin. Tandaan niyo ang araw na ito. Wala kami pera, wala kami makinarya,” nakasaad sa IG post ni Sara Duterte.
Kahapon ay naghain ng COC sa pagka-Mayor si Rodrigo Duterte at muling iginiit na hindi siya tatakbong Pangulo ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.