Pasok na sa quarterfinals ng Philippine Superliga (PSL) Beach Volleyball Challenge Cup ang koponan ng Foton.
Ito ay matapos nilang talunin ang pambato naman ng Smart sa kanilang naging tapatan kahapon sa SM Sands by the Bay.
Bagaman baguhan sa PSL beach volleyball ay hindi nagpatinag ang kambal na sina Ella at Nieza Viray kontra kina Cecila Bangad at Caitlyn Viray.
Ani Ella, nahirapan sila ng kanyang kakambal sa unang bahagi ng laro, ngunit nang masanay sila ay naging madali na ang paglalaro.
Dahil sa kanilang pagkapanalo ay sunod na makakaharap ng magkapatid na Viray sina Patty Orendain at Fiola Ceballos ng Generika-Ayala A, at Danika Gendrauli at Nene Baustista ng Cocolife A.
MOST READ
LATEST STORIES