Kasabay ng unang anibersaryo ng madugong pag-atake ng Maute Group sa Lungsod ng Marawi, nangalampag sa Mendiola ang mga militanteng grupo para kundinahin ang patuloy na pag-iral ng martial law sa Mindanao.
Tinatayang nasa 200 na mga raliyista ang nagmartsa patungo sa Mendiola mula sa UST sa España, Maynila.
Ang rally ay pinangunahan ng grupong Bayan, Bayan Muna, Anakpawis at Anakbayan.
Panawagan nila, bawiin na ang ipinatupad na martial law sa Mindanao na idineklara sa bisa ng Proclamation 216 noong May 23, 2017 na inisyu ni Pangulong Rodrigo Duterte at dalawang beses na pinalawig ng Kongreso.
Sa pagsisimula ng programa sa Mendiola, naglaan ang mga raliyista ng isang minutong katahimikan para sa mga namatay sa pag-atake sa Marawi.m
Kahit mainit ang panahon, hindi natinag ang mga militante sa pagkundina sa umanoy nagaganap na paglabag sa karapatang pantao nang dahil sa pag iral ng martial law.
Partikular umanong nakakaranas ng karahasan ng militar ang mga lumad, Moro at iba pang katutubo.
Naniniwala rin sila na nakakaranas ng de facto martial law ang buong bansa.
Dahil sa protesta, bahagyang nagbabagal ang daloy ng traffic sa kanto ng Legarda at Recto Avenue.