Excise tax ititigil ng gobyerno kapag pumalo sa $80 per barrel ang presyo ng gasolina sa world market

Sususpendihin ng pamahalaan ang pagpapatupad ng excise tax kapag pumalo na sa $80 per barrel ang presyo ng gasolina sa pandaigdigang pamilihan.

Ayon kay Presidential Spokesman Harry Roque, may nakalatag ng contingency plan ang gobyerno para maayudahan ang publiko dahil sa ipinatupad na tax reform for accelartion and inclusion o TRAIN law.

Katunayan, sinabi ni Roque na hindi lang ang P200 benepisyo sa mga kasapi ng Pantawid Pamilyang Pilipino Program ang ibibigay ng pamahalaan.

Giit ni Roque, makikipag-ugnayan ang kanyang tanggapan sa Department of Finance (DOF) at Department of Budget and Management (DBM) para ipamigay na ang ibang benepisyo na nakalaan sa TRAIN law.

Sa ngayon nasa $72 na ang presyo ng gasolina kada barrel sa pandaigdigang pamilihan.