Sa abiso ng MRT-3, isang tren nila ang nagkaproblema sa bahagi ng Araneta Center-Cubao station alas 9:13 ng umaga.
Nasa 1,000 pasaher ang maagang naabala matapos silang pababain sa tren.
Ayon kay Aly Narvaez, Media Relations Officer ng Department of Transportation, door failure ang itinuturong dahilan ng aberya kung saan bumukas ang pinto ng tren dahil napwersa ito matapos masandalan ng mga pasahero.
Nagbalik naman sa normal ang operasyon ng MRT matapos ang 6 na minuto nang dumating ang kasunod na tren.
Dahil sa insidente, naputol na ang 28 day streak ng MRT na walang naitatalang aberya.