Ret. Bishop Camilo Gregorio ng Batanes, pumanaw na sa edad na 77
Pumanaw na si Retired Bishop Camilo Gregorio sa edad na 77.
Ang pagpanaw ni Gregorio na dating naitalaga sa lalawigan ng Batanes ay kinumpirma ng Catholic Bishops’ Conference of the Philippines (CBCP).
Ayon kay Batanes Vicar General Fr. Deo Layug nasawi si Gregorio matapos atakihin sa puso kagabi.
Simula noong May 9 ay naka-confine sa Cardinal Santos Hospital sa San Juan City si Gregorio dahil sa sakit na pneumonia.
Nakaranas din ito ng mild stroke noong Huwebes habang sumasailalim sa dialysis.
Si Gregorio ang ikaapat na obispo na naitalaga sa Batanes at siya ay nanilbihan doon ng 14 na taon hanggang sa magretiro noong May 2017.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.