DOTr 27 araw nang walang naitatalang aberya sa biyahe ng MRT-3

Ipinagmamalaki ng Department of Transportation (DOTr) – MRT-3 na sa loob ng 27 magkakasunod na araw ay wala silang naitatalang aberya ng tren.

Ayon sa MRT-3, 27 araw nang walang naitatalang insidente ng pagpapababa sa mga pasahero.

Sinabi ni Aly Narvaez ng MRT, ito na ang pinakamahabang magkakasunod na araw na walang naitatalang unloading incident ang MRT-3 simula pa noong 2011.

Umaasa ang pamunuan ng MRT na magtutuloy-tuloy ang ganitong magandang takbo ng mga tren ng MRT-3.

Samantala, as of 6:30AM ng Lunes, aabot sa 15 ang operational at tumatakbong tren.