Lalaki patay sa pamamaril sa Navotas City

Dead on the spot ang isang lalaki matapos itong pagbabarilin ng mga hindi pa nakikilalang salarin sa Barangay Tangos, Navotas City.

Kinilala ang biktima na si Edson Gubrian, 38 taong gulang at isang traffic enforcer ng naturang lungsod.

Batay sa imbestigasyon ng mga otoridad, hindi pa natatapos ang duty ni Gubrian nang ito ay pagbabarilin ng mga suspek.

Kwento umano ng mga kasamahan nito sa trabaho, nagpahinga saglit si Gubrian at uminom nang kape nang biglang may dumaang mga lalaking sakay ng motorsiklo at doon na ito pinagbabaril.

Blangko pa ang mga otoridad sa motibo sa pamamaril. Sa ngayon ay patuloy na inaalam ng mga pulis ang pagkakakilanlan ng mga suspek.