Umabot sa ikalawang alarma ang sunog na sumiklab sa isang residential area sa Barangay Tinajeros, Malabon City.
Bago mag alas-9 ng gabi nang sumiklab ang sunog. Bandang alas-9:40 nang ito ay ideklarang under control, at alas-10:17 nang tuluyang maapula ang pagliliyab.
Dahil sa naturang sunog ay natupok ang limang mga bahay.
Sinasabing nakasaksak at nag-overheat na electric fan ang dahilan ng pagsiklab ng apoy.
Ngunit ayon sa mga otoridad, patuloy ang kanilang isinasagawang imbestigasyon upang malaman ang tunay na dahilan ng sunog, maging ang kabuuang pinsala na idinulot nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.