Pinagbagsakan ng flyover sa Imus, Cavite madadaanan na

Passable na sa lahat ng uri ng mga sasakyan ang panulukan ng Aguinaldo Highway at Daang Hari Road kung saan bumagsak ang ginagawang flyover sa lugar.

Sa abiso na inilabas ng Imus City Police, alas-3:50 ng hapon nang tuluyan nang ma-clear ang mga debris ng gumuhong flyover.

Wala na ring mga nakaharang na bahagi ng gumuhong flyover at anumang hazard o panganib sa lugar.

Nauna nang sinabi ni Imus City Mayor Emmanuel Maliksi na gumuho ang gitnang bahagi ng ginagawang flyover sa kalagitnaan ng pagkakabit nito sa mga itinayong pundasyon.

Sa ngayon ay patuloy ang imbestigasyon ng mga otoridad tungkol sa insidente.