Clearing ops sa bumagsak na flyover sa Cavite, tuloy pa rin
Tuluy-tuloy ang clearing operations sa bumagsak na bahagi ng itinatayong flyover sa Aguinaldo Highway corner Daang Hari, Imus, Cavite.
Pinagtutulungan ng lokal na pamahalaan ng Cavite, DPWH at contractor na JBL Builders ang clearing operations sa flyover, na bumigay kagabi.
Sa kasalukuyan, may jack hammer na dumudurog sa semento, habang tinutunaw o pinuputol ang mga bakal upang madaling hawiin.
Ang isang truck ng JBL builders na nabagsakan ng flyover ay hindi pa nahihila.
Sa kabutihang palad ay walang casualties sa pagbagsak ng parte ng flyover, taliwas sa kumalat sa social media na may nasawi.
Batay sa Imus Mayor Emmanuel Maliksi, nagkaroon ng miscalculation sa mga girder na ikinakabit sa flyover.
Namali ang pagkabit sa ika-anim na girder, kaya naman tinaman ang limang nakakabit na at nagkaroon ng domino effect na nagresulta ng pagbagsak ng flyover.
Sa ngayon, walang sasakyan ang nakakadaan sa lugar, maliban sa mga truck, jack hammer at iba pang tutulong sa clearing operations.
Batay sa mga tauhan ng DPWH, maaaring umabot hanggang hapon o gabi ang clearing operations, dahil minamadali na upang makadaan na ang mga motorista.
Truck ng JBL builders, nabagsakan ng bahagi ng flyover sa Aguinaldo Highway corner Daang Hari, Imus, Cavite. @dzIQ990 pic.twitter.com/sATHWhCnPt
— Isa Avendaño-Umali (@isaavendanoDZIQ) May 20, 2018
Ongoing: Clearing operations sa bumagsak na bahagi ng flyover sa Aguinaldo Highway corner Daang Hari, Imus, Cavite. @dzIQ990 pic.twitter.com/432ZYclROa
— Isa Avendaño-Umali (@isaavendanoDZIQ) May 20, 2018
TINGNAN: Aftermath ng bumagsak na bahagi ng flyover sa Aguinaldo Highway corner Daang Hari, Imus, Cavite. @dzIQ990 pic.twitter.com/zBYYohgUcQ
— Isa Avendaño-Umali (@isaavendanoDZIQ) May 20, 2018
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.