Klase sa mga pampublikong paaralan magbubukas sa June 4

Pormal nang inanunsyo ng Department of Education (DepEd) na sa June 4 ang simula ng pasukan para sa school year 2018-2019 sa mga pampublikong paaralan.

Nakatakda na ring umpisahan ng DepEd ang kanilang “Oplan Balik Eskwela” program mula sa May 21.

Sa ilalim ng Oplan Balik Eskwela, magtatayo ng Information and Action Center sa Bulwagan ng Karunungan sa DepEd Central Office sa Pasig City.

Sa nasabing action center tatanggapin at ipoproseso ang lahat ng impormasyon, reklamo at katanungan tungkol sa pagbubukas ng klase.