2 drug suspects patay matapos manlaban sa buy-bust sa Laguna

Patay ang dalawang hinihinalang tulak ng ilegal na droga makaraang manlaban sa ikinasang buy bust operation ng pulisya sa Calamba City, Laguna, Biyernes ng madaling araw,

Ayon kay Chief Supt. Guillermo Eleazar, direktor ng Calabarzon police, nagsagawa ng buy-bust operation ang mga tauhan ng Calamba police sa loob ng Pamana Subdivision sa Barangay Bucal alas 12:35 ng madaling araw.

Sa kasagsagan ng transaksyon, agad nakatunog ang mga suspek na sina Raymond Angeles at alyas Anjo sa operasyon ng mga otoridad.

Pinaputulan nila ang mga pulis dahilan para gumanti ng putok ang mga ito na ikinasawi ng dalawa.

Nakuha mula sa mga suspek ang kalibre 38 baril at 13 sachet ng shabu.