Dahil may phobia na ang Pilipinas sa ginawang pag-angkin ng China sa South China Sea, sinabi ni Pangulong Rodrigo Duterte na magiging maingat na pamahalaan sa Philippine Rise.
Ayon sa Panguo dahil sa dinatnan niyang sitwasyon ngayon sa West Philippine Sea hindi na siya magpipilit na makipag-away sa China at kukunin na lang niya kung anong maaring maibigay o makuha ng Pilipinas.
Pero ibang usapan aniya ang Philippine Rise dahil malinaw namang pag-aari ito ng bansa.
Kung ano ang formula na ginamit ng China sa pag-angkin sa West Philippine Sea, ito rin ang ginamit niya sa pagprotekta ngayon sa Philippine Rise.
Sinabi ng pangulo na hindi pwedeng maging mahina ang Pilipinas sa usapin sa Philippine Rise dahil maagaw itong muli ng iba pang bansa.
