Canvassing sa dalawang barangay sa Bacolod City hindi pa tapos
Magtatanghali na ng Martes hindi pa rin tapos ang canvassing sa dalawang barangay sa Bacolod City.
Ayon kay Atty. Mavil Majarucon-Sia ng Bacolod Election Office, nagkaroon ng delay sa proseso dahil sa pagkakamali ng electoral board.
Sa polling precinct sa Barangay Villamonte at Barangay Tangub nagkamali ang miyembro ng electoral board nang maipasok nila ang lahat ng election returns sa ballot box.
Dapat ayon kay Sia ay mayroong matitirang kopya ng election returns para sa Board of Canvassers.
Dahil sa nangyari, ang kampo ng mga kandidato sa dalawang barangay ay nagreklamo na nagdulot pa lalo ng delay.
Humingi pa ng pahintulot si Sia sa Commission on Elections (Comelec) main office para mabigyan siya ng authority na buksan ang ballot box.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.