Generally peaceful at orderly.
Ganito inilarawan ni Philippine National Police (PNP) Spokesperson Chief Superintendent John Bulalacao ang naging estado ng barangay at Sangguniang Kabataan (SK) elections kahapon, May 14 sa buong bansa.
Simula April 14 hanggang sa mismong araw ng eleksyon ay 47 mga election-related violence ang naitala ng mga otoridad. 35 mula sa nasabing bilang ang nasawi, habang 27 naman ang sugatan.
Ngunit ayon kay Bulalacao, maituturing na isolated cases lamang ang mga naganap na insidente ng karahasan.
Aniya pa, hindi naman naapektuhan ng nasabing mga karahasan ang naging resulta ng eleksyon.
Paalala ng mga otoridad, magpapatuloy ang election period hanggang May 21, kaya naman mayroon pa ring mga itatayong checkpoint ang mga pulis at mananatili silang nakamonitor sa mga mangyayaring karahasan na posibleng may kinalaman sa halalan.