Pangulong Duterte, hindi bumoto sa barangay elections

Bigong bumoto si Pangulong Rodrigo Duterte sa Barangay Elections.

Ito ay base sa impormasyon na ibinigay ni Special Assistant to the President Christopher “Bong” Go.

Gayunman, walang inilabas na pahayag ang Malacañang kung ano ang rason ng hindi pagboto ng pangulo.

Una nang naghanda ang Daniel Aguinaldo High School sa Davao City sa inasahang pagdating ni Duterte. Inilabas ng paaralan ang upuan na tinawag na “seat of victory” na ginamit ni Duterte sa eleksyon noong May 2016, kung saan siya nanalo sa pagka-pangulo.