Walang automatic disqualification sa mga kandidatong nakita sa mga ipinamahaging sample ballots ayon sa Comelec

Hindi otomatikong diskwalipikado ang mga kandidatong nakalagay ang pangalan sa mga nakalagay sa sample ballots na ipinamamahagi ngayong kasagsagan ng eleksyon.

Ipinahayag ito ng Commission on Elections (Comelec) kasunod ng ulat ng pamimigay ng sample ballots na may pangalan ng mga kandidato sa Barangay Culiat.

Ayon kay Comelec spokesman James Jimenez, ilegal ito dahil ikinukunsidera itong porma ng pangangampanya sa mismong araw ng eleksyon.

Iginiit ni Jimenez na dapat ay blangko o pangalan ng mga pekeng kandidato ang laman ng sample ballots.

Sinabi ng Comelec na kinakailangang may magreklamo nito para maimbestigahan kung sino ang tunay na nasa likod nito.