Flyers, bottled water na may mukha ng mga kandidato ipinamahagi sa mga botante
Kahit patuloy na ang botohan, marami pa ring namamahagi ng flyers sa labas ng mga polling precincts na mahigpit na ipinagbabawal ng Commission on Elections (Comelec).
Sa Rosauro Almario Elementary School sa Tondo Maynila, patuloy ang pamamahagi ng mga flyers na naglalaman ng pangalan ng mga kandidato.
Kitang-kita din sa labas ng paaralan ang mga nagkalat na maliliit na papel na ipinamahagi sa mga botante.
Sa Molino Elementary School sa Bacoor Cavite, ang mga dumarating na botante sa paaralaan ay inaabutan din ng flyers na may pangalan ng kandidato.
Sa Isabela City naman sa Basilan, may mga supporters ng kandidato na namamahagi ng bottled water na may mukha pa ng kandidato.
Ang nasabing mga bottled water na may nakadikit na larawan at pangalan ng kandidato ay ipinamimigay sa mga botante sa Basilan National High School.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.