Pinuno ng La Union PDRRMO, nadiskubreng patay sa kanyang opisina

Natagpuang patay ang pinuno ng La Union Provincial Disaster Risk Reduction and Management Office (PDRRMO) sa loob ng kanyang opisina sa San Fernando City.

Ayon kay Supt. John Guiagui, hepe ng pulisya ng lungsod, tama ng bala ang ikinasawi ni Atty. Bobby Valdriz.

Sinabi ni Guiagui na pumasok sa trabaho si Valdriz dakong alas-6:00 ng umaga. Makalipas ang isang oras, dito na nadiskubreng patay ang pinuno ng La Union PDRRMO.

Nakarinig din ng putok ng baril ang mga dumalo sa misa sa simbahan malapit sa opisina ni Valdriz.

Natagpuan sa opisina ni Valdriz ang isang kalibre .38 na baril.