Wooden armchair na gagamitin ni Pang. Duterte sa pagboto, inihahanda na

Inihahanda na ng Daniel E. Aguinaldo High School sa Matina, Talomo Davao city ang wooden armchair na gagamitin sa pagboto ni Pangulong Rodrigo Duterte sa Barangay at Sangguniang Kabataan elections sa Lunes, May 14.

Ayon kay Arlene Pernes, principal ng naturang eskwelahan, parehong wooden armchair ang gagamitin ng pangulo nang bomoto siya noong 2016 Presidential elections.

Sinabi pa ni Pernes na kukunin muna nila ang wooden armchair sa lalagyan nitong glass encasement.

Mahigpit na seguridad aniya ang ipatutupad bukas sa eskwelahan at magkakaroon ng crowd control.