Sereno, maghahain ng MOR sa kanyang pagkakasibak bilang punong mahistrado

Nakatakdang umapela si dating Chief Justice Maria Lourdes Sereno bunsod ng pagkakasibak nito sa pwesto.

Sa isang mensahe, sinabi ni Carlo Cruz, tagapagsalita ni Sereno, maghahain ng motion of reconsideration (MOR) ang kanilang kampo sa naging desisyon ng Supreme Court (SC).

Aniya, nagsimula ang pagpapatalsik kay Sereno nang labanan nito ang madugong war on drugs campaign ni Pangulong Rodrigo Duterte.

Tinutulan din ng ilang legal experts ang naging desisyon ng SC sa pamamagitan ng inihang quo warranto petition ni Solicitor General Jose Calida sa botong 8-6.

Hinikayat naman ni Sereno ang kanyang mga tagasuporta na patuloy ang paglaban sa hustisya.