Patay ang isang radio blocktimer matapos tambangan sa Labangan, Zamboanga del Norte.
Ayon kay provincial information officer Marive Jongco, napatay ang biktimang si Carlos Matas sa bahagi ng Barangay Luburan pasado 3:00, Sabado ng hapon.
Kinumpirma naman ng Labangan police ang naturang pagpatay ngunit hindi nagbigay ng karagdagang detalye.
Maliban sa pagiging radip blocktimer, nagsilbi ring coordinator si Matas ng isang grupo ng mga magsasaka sa Labangan.
Patuloy ang isinasagawang imbestigasyon ng pulisya sa naturang kaso.
Samantala, ito na ang ikalawang kaso ng pananambang sa Matas ngayong linggo.
MOST READ
LATEST STORIES