Net satisfaction ng Administrasyon Duterte, bumagsak nang 12 puntos

Bumagsak nang 12 puntos ang net satisfaction rating ng Administrasyong Duterte, batay sa pinakahuling survey ng Social Weather Stations.

Mula sa +70 o excellent rating noong December 2017, bumaba sa +58 o very good ang net satisfaction rating ng Administrasyon Duterte noong March 2018.

Sa SWS survey, 69% ng mga Pilipino ang kuntento sa trabaho ng administrasyon, habang 11% ang hindi nasiyahan. Labing-walong porsyento naman ang hindi makapagsabi kung kuntento sila o hindi sa trabaho ng adminstrasyon.

Isinagawa ng SWS ang survey mula March 23 hanggang 27 sa 1,200 respondents sa iba’t ibang panig ng bansa.