Leila De Lima at HOR Justice Panel Chair Rey Umali muling nagharap
Natapos na ang cross examination kay House Justice Committee Chairman Reynaldo Umali sa kasong disobedience to summons laban kay Senadora Leila de Lima.
Nag-ugat ang kaso sa pagpayo umano ni de Lima sa dati nitong kasintahan na si Ronnie Dayan na huwag sumipot sa congressional hearing ng Kamara ukol sa drug trade sa Bilibid, sa kabila ng subpoena.
Personal na dumating si de Lima sa huling araw ng cross examination kay Umali.
Sa pagtatanong naman ni abogado ni de Lima, kinumpirma ni Umali na hindi kasama sa commmittee report ng lupon ang rekumendasyong kasuhan sina de Lima at Dayan dahil mas pinagtuunan ng pansin ng mga mambabatas ang pagsisiyasat sa drug trade sa NBP.
Dagdag ni Umali, si Dayan ay provisionally admitted na rin noon sa Witness Protection Program, matapos magawaran ng congressional immunity para malayang makatestigo laban kay de Lima.
Para naman kay Atty. Boni Tacardo, abogado ni de Lima, ang kaso laban sa senadora ay parte ng lamang persecution.
Ang susunod na hearing ay sa June 13, sa ganap na alas-dos ng hapon kung saan ihaharap ng prosekusyon ang photographer na si Perfecto Camero na nakakuha ng litrato ng text message ni de Lima sa anak ni Dayan.
Sa naturang mensahe, pinayuhan ni de Lima si Dayan na huwag sisipot sa hearing ng Kamara dahil pagpipiyestahan lamang daw sila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.