National Security Council dapat pagpulungan ang paglalagay ng missiles ng China sa Spratlys

Sinabi ni Senator Ping Lacson na dapat ng magpatawag ng pulong ang National Security Council kaugnay sa paglalagay ng China ng missile systems sa ilang isla sa Spratlys.

Ayon kay Lacson kung hanggang ngayon ay hindi pa nakukumpirma ng gobyerno ang presensiya ng Chinese missiles may malaking problema na sa seguridad ng Pilipinas.

Sinabi pa ni Lacson na sinusuportahan niya ang mga panawagan na maimbestigahan sa senado ang unti-unting Chinese militarization sa bahagi ng West Philippine Sea.

Paliwanag nito ang anuman usapin na may kinalaman sa seguridad ng bansa ay dapat silipin ng senado.