Sa panayam ng Radyo Inquirer, sinabi ng abogado ni Teo na si Atty. Ferdinand Topacio na walang katotohanan ang balita dahil nauna na ang pagsumite ng resignation letter bago ang pag-uusap ng pangulo at ng dating kalihim.
Ayon kay Topacio, nalungkot si Teo sa pangyayari pero umaasa ito na sa kanyang pagbibitiw ay matatapos na ang isyu ukol sa advertisement ng DOT sa media production ng kanyang mga kapatid.
Nakikipag-ugnayan na si Topacio sa Commission on Audit (COA) para malaman ang proseso ng pagsosoli ng P60 million na halaga ng advertisement ng ahensya sa programa nina Erwin at Ben Tulfo sa PTV-4.