Ayon sa United States Geological Survey (USGS), hindi bababa sa siyam na lindol na hindi bababa sa magnitude 4.3 ang tumama sa rehiyon. Kabilang dito ang tatlong na nasa magnitude 5.2 hanggang 5.6.
Ayon kay USGS geophysicist Don Blakeman, posibleng foreshocks ang mga pagyanig na ito sa magnitude 5.6 na lindol pasado ala-1:00 ng hapon sa El Salvador. Naitala ang episentro nito 12 kilometro ang layo sa Intipuca at may lalim na 10 kilometro.
Bunsod nito, inalerto ang mga bayan ng Chirilagua, San Miguel at La Union. Sinuspinde na rin ang klase sa mga naturang lugar.
Sa ngayon, nagpapadala na ng tents ang gobyerno sa lugar para sa mga residenteng nawalan ng tirahan.