UST itinanghal na overall champion ng UAAP Season 80

Nasa España pa rin ang korona.

Ito ay matapos muling maiuwi sa ikatlong sunod na pagkakataon ng University of Santo Tomas ang overall championship ng UAAP Season 80.

Dahil dito, ito na ang ika-42 pagkapanalo ng UST sa pinakamalaking collegiate athletic tournament sa bansa.

Nadomina ng Growling Tigers ang Season 80 sa kanilang 283 points.

Mas mataas itong 14 na puntos sa runner-up na De La Salle University na nakakuha naman ng 269 points.

Naiuwi ng UST ang anim na gold medals, pitong silver at tatlong bronze medals para tanghaling overall champion.

Nasungkit naman ng University of the Philippines ang ikatlong pwesto habang ikaapat naman ang Ateneo de Manila University.