Bruno Mars magtatanghal sa Maynila ngayong araw
Excited na ang mga Pinoy fans ni Bruno Mars para sa kanyang two-day concert dito sa Pilipinas.
Magaganap mamayang gabi ang unang araw ng 24K Magic concert ni Bruno Mars sa SM Mall of Asia Arena.
At pagkatapos nito ay dederetso naman ang singer-songwriter sa City of Dreams, partikular sa Chaos Manila nightclub para sa after party.
Ayon sa MMI Live na siyang promoter ng nasabing concert, wala pang isang oras simula nang maging available sa publiko ang tickets para sa pagtatanghal ni Bruno Mars noong September 7, 2017 ay sold out agad ito.
Ito na ang ikatlong beses na bumisita si Bruno Mars, na isang half-Filipino, sa bansa. Kasalukuyang pino-promote ng singer ang kanyang ikatlong album na “24K Magic” kung saan kabilang ang kanyang mga hits na “Versace on the Floor,” at “Finesse.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.